KIDUNG MEMARGI MEMENDAK
1. Senjata bajrane dumun
Bebaktan widiya darane
Pajeng reb-reb umbul-umbul
Busanane sarwa putih
Raris tumedun ring bumi
Mapa ngawin danda kawot
Ring dak sina tedun
Bang busanane ngendih
2.Ring pascima ida turun
Naga pasa senjatane
Seupacarane dumun busanane
Sarwa kuning
Katon kadi gunung sari
Payase ngerawit tinon
Mapenekes gelung
Sarwa mas kinardi
3.Ring utara ida turun
Sami kresna busanane
Senjata cakrane dumun
Maduluran ujan angin
Kelepe pada meganti
Tatit kilate mecanda
Ause menglinus
Luwir buburang langit
4.Gunung lebah gunung agung
Lempoyang anda kasa
Guwa lawah uluwatu
Gunung batu karu malih
Gunung mangu pura bukit
Besakih meraga puser
Segara ulun danu
Kayangan widhi
5.Asep pejatine wus katur
Mendak ida betarane
Peneteg lan canang arum
Canang gantal canang sari
Kawula sami menangkil
Pedek sami nunas ica
Nyadpada menyungsung
Ngaturang linggih
6.Pengredananeke luhur
Maka pengundang dewane
Asep menyan majagawu
Ambun nyane merik sumirit
Cenana pada mesanding
Pamedek ida betara
Kangge ne di luhur
Ngaran tiga sakati
7.Sad siwa majagawu
Prama siwa cenanang
Menyane betara guru
Kukusnya nepud kelangit
Punika kanggen pemargi
Pacang turun ring kayangan
Gelis ida rawuh
Kawulane menyiwi
8.Pengastawane wus puput
Turun ida betarane
Saking awang ida turun
Sakendran sami mengiring
Widiya dara widiyadari
Sami pada pepatehan
Penganggene murub
Sarwa ratna ngendih
Gusti Sudiartama
kembangkan terus budaya dan adat istiadat bangsa kita lewat teknologi
Oleh: maryanto on Oktober 12, 2011
at 11:32 am
kembangkan terus budaya dan adat istiadat bangsa kita lewat teknologi.. maju terus bangsa kita
Oleh: maryanto on Oktober 12, 2011
at 11:33 am
salam hormat buat bangsa kita
Oleh: maryanto on Oktober 12, 2011
at 11:34 am
Trim’s sahabat….
Oleh: Gusti Sudiartama on Oktober 15, 2011
at 1:20 pm